Blerina Rogova Gaxha fiton çmim europian në fushën e letërsisë

Autorja Kosovare Blerina Rogova Gaxha, ka fituar çmimin për letërsi në festivalin “Crystal Vilenica”.

Ky festival është ndër më të rëndësishmit në fushën e letërsisë në Europën Qendrore.

Këtë çmim e ka ndarë juria ndërkombëtare, president i së cilës ishte akademiku indian Koyamparambath Sachidanandan, ndërsa pjesë e jurisë ishin edhe shkrimtarja, Órfhlaith Foyle nga Irlanda, shkrimtari Dejan Trajkovski nga Maqedonia dhe botuesin e shkrimtarin Janis Oga nga Lituania.

Lajmin e ka bërë të ditur vetë autorja, përmes një komunikate drejtuar mediave.

Festivali zë vend çdo fillim shtator në rajonin Karst të Sllovenisë, dhe gjatë ditëve shtrihet në disa nga qendrat sllovene.