3 orë gjumë më pak për gratë, fajtorë burrat!

Një studim i ri tregon se gratë humbin mesatarisht deri në tri orë gjumë çdo natë, që përkthehet në rreth 1,095 orë gjatë një viti.

Sipas të dhënave, ndër faktorët kryesorë që ndikojnë në mungesën e gjumit janë gërhitja e partnerit, dhimbjet menstruale dhe kujdesi për fëmijët gjatë natës, transmeton Klankosova.tv.

Studimi zbulon se një në tre gra zgjohet çdo natë, ndërsa gjysma e tyre vuajnë nga çrregullimet e gjumit. Në krahasim, vetëm dy në dhjetë meshkuj raportojnë se gjumi i tyre ndërpritet rregullisht.