Pas Cibonës, një tjetër gjigant evropian zbarkon në Kosovë, Trepça sfidohet nga PAOK

Palestra “Minatori” është sonte arena e një ndeshje tëzjarrtë evropiane.

Kampionia e Kosovës në basketboll, Trepça, sfidohet nga një emër i madh i këtij sporti në Evropë, raporton Klankosova.tv.

PAOK-u grek është kundërshtari i “Minatorëve”, në ballafaqimin që nis në orën 18:30 dhe transmetohet ekskluzivisht në kanalin Sport 3 të platformës ArtMotion.

Mitrovicasit ende nuk kanë fituar asnjë duel në edicionin e sivjetshëm të FIBA Europe Cup, andaj sonte synojnë ta bëjnë një mrekulli.

Nga ana tjetër, grekët kanë dy fitore e një humbje deri tani.

Pjesëmarrja e skuadrave kosovare në garat ndërkombëtare, ka bërë që emra të mëdhenj të këtij sporti të vinë në Kosovë.

Mbrëmë Bashkimi në Prizren arriti ta mposhtë ‘rrast’ Cibonën e famshme kroate, me rezultat 89-69./Klankosova.tv