Klan Kosova e pyet për foton provokuese të Vuçiqit, BE përgjigjet duke e përfshirë edhe Kosovën në kritikat për Serbinë - Klan Kosova


Na ndiqni në:


Get it on Google Play Download on the App Store

Klan Kosova e pyet për foton provokuese të Vuçiqit, BE përgjigjet duke e përfshirë edhe Kosovën në kritikat për Serbinë

NULL NULL
19/03/2021

Vendosja e flamurit të Serbisë, mbi hartën e Republikës së Kosovës, nga ana e presidentit serb Aleksandar Vuçiq, ngjalli reagime të shumta.

Megjithatë, nga Bashkimi Europian nuk u pa një gjë e tillë, derisa pasoi një kërkesë e klankosova.tv, për të komentuar këtë gjuhë të presidentit serb.

Pyetur nga klankosova.tv rreth çështjes së hartës së publikuar nga Aleksandar Vuçiq, Bashkimi Europian ka përfshirë edhe Kosovën në përgjigjien e saj në kritikat për Serbinë.

”BE-ja gjithmonë u ka bërë thirrje të gjithë aktorëve politikë në Serbi, Kosovë dhe në pjesën tjetër të rajonit që të angazhohen në veprime dhe deklarata që krijojnë dhe promovojnë një atmosferë të favorshme për pajtimin, stabilitetin rajonal dhe bashkëpunimin, dhe jo e kundërta”, shprehet një zëdhënës i BE-së për klankosova.tv.

Nga Bashkimi Europian thonë se Serbia dhe Kosova duhet të përmbahen nga veprimet dhe deklaratat që nuk shërbejnë për normalizim të marrëdhënieve.

”Siç kemi thënë shumë herë gjatë viteve, Serbia dhe Kosova duhet të përmbahen nga veprimet dhe deklaratat që janë kundërproduktive për normalizimin e marrëdhënieve të tyre dhe punën për arritjen e një marrëveshje gjithëpërfshirëse”.

Fotografia e Vuçiqit me flamurin e Serbisë në hartën e Kosovës ngjall reagime