Eksperti i komunikacionit tregon kushtet se kur mund të organizohet një garë automobilistike (VIDEO)

Ka shumë shumë raste kur organizohen gara automobilistike në rrugët e Kosovës.

Përpos që ato janë ilegale, ato kanë përfunduar edhe me pasoja.

Njëri nga rastet është ai i të shtunës së 16 dhjetorit, kur në autostradën “Ibrahim Rugova”, në dalje të Prizrenit, vdiqën tre të rinj nga Gjakova, e tre persona të tjerë u lënduan.

Kjo si pasojë e garave ilegale, njëri nga shoferët humbi kontrollin mbi veturën e tij dhe i goditi disa nga pjesëmarrësit që po e shikonin garën anash autostradës.

Ngjarja tragjike shkaktoi shumë reagime.

Madje, ka pasur edhe raste kur edhe policia është akuzuar për neglizhencë të garave ilegale.

Eksperti i komunikacionit, Bekim Ahmeti, ka treguar në Info Magazine kushtet se kur mund të mbahet një garë automobilistike.

“Automjetet e udhëtarëve nuk e kanë komoditetin për ta, nuk e kanë sigurinë për ta bërë një garë të tillë. Pastaj duhet të bëhet një poligon i mbyllur, pastaj shikuesit duhet të ndahen prej garuesve”, tha Ahmeti në Klan Kosova.