Vendbanimet izraelite në territoret e pushtuara palestineze zgjerohen me nivele rekord, thotë OKB

Vendbanimet izraelite në territoret e pushtuara palestineze janë zgjeruar me një sasi rekord, tha shefi i OKB-së për të drejtat e njeriut, Volker Turk.

Ai tha se zgjerimi rrezikon të eliminojë çdo mundësi praktike të një shteti palestinez.

Turk e përshkroi veprimin si një krim lufte, duke thënë se kjo përbënte transferimin nga Izraeli të popullsisë së tij.

“Dhuna e kolonëve dhe shkeljet e lidhura me vendbanimet kanë arritur nivele të reja tronditëse dhe rrezikojnë të eliminojnë çdo mundësi praktike për krijimin e një shteti të qëndrueshëm palestinez”, tha Turk në një deklaratë, raporton Sky News, transmeton Klankosova.tv.

Raporti i tij, i bazuar në vetë monitorimin e OKB-së, si dhe në burime të tjera, dokumentoi 24 mijë e 300 njësi të reja banimi izraelite në Bregun Perëndimor të pushtuar gjatë vitit deri në tetor 2023.

Ai tha se ky ishte më i larti i regjistruar që nga fillimi i monitorimit në 2017.

Muajin e kaluar, Shtetet e Bashkuara thanë se vendbanimet ishin “në kundërshtim” me ligjin ndërkombëtar pasi Izraeli njoftoi plane të reja strehimi në Bregun Perëndimor të pushtuar.