Sulmohen tre persona pas një mosmarrëveshjeje në Podujevë, njëri zyrtar

Është raportuar se, pas një mosmarrëveshjeje, dy burra të dyshuar kanë sulmuar fizikisht një person zyrtar në Podujevë.

Sipas raportit 24-orësh të Policisë, viktima është kanosur verbalisht dhe sulmuar fizikisht.

Po ashtu, dy burra të tjerë që kanë ndërhyrë në rast janë sulmuar nga të dyshuarit.

“Lidhur me rastin është njoftuar prokurori, i cili ka bërë cilësimin e veprave penale”, thuhet në raportin e Policisë. /Klankosova.tv