Rikthehet pasi “vdiq” para 31 vjetësh

Për këto 31 vjetët e fundit, çdo kush ka menduar që Petra Pazsitka është vrarë.

Për herë të fundit është parë në vitin 1984, dhe një burrë e ka pranuar që ka kryer vrasjen e saj, transmeton Klan Kosova.

Por e vërteta del të jetë ndryshe.

Ajo është shëndosh e mirë, e pas një vjedhje që kishte ndodhur në shtëpinë e saj,  është zbuluar identiteti i saj i ri.

Ajo është 55 vjeçare dhe që 31 vjet është duke jetuar nën emrin Schneider në Dusseldorf.

Shtëpia e saj ishte thyer para dy javësh kështu ajo thirri policinë, të cilët e zbuluan që Schneider në fakt është Petra.

Petra ishte zhdukur kur ishte 24 vjeçare në Braunschweig në veri të Gjermanisë.

Rasti i zhdukjes së saj ishte paraqitur edhe në një emison të krimeve në Gjermani, dhe një vit pas rastit një person e kishte pranuar që kishte kryer vrasjen e saj.

NBC News raporton që ajo ka jetuar pa dokumente zyrtare për më shumë se 30 vjet.

Askush nuk e di pse ajo ka vendosur të zhduket dhe t’i bëjë familjarët e të njohurit e saj të besojnë që ka vdekur.

“Ajo nuk kishte as llogari në bankë dhe çdo faturë e paguente me para në dorë”, është shprehur zëdhënësi i policisë Joachim Grande.

Ai gjithashtu është shprehur se Petra fitonte bukën e gojës duke bërë punë “të paligjshme”.

“Babai i saj ka vdekur para disa vjetësh, por vëllai dhe nëna e saj janë të shokuar pas këtij lajmi”, është shprehur Grande.

Por pavarësisht që familjarët dëshirojnë ta takojnë, ajo është shprehur që nuk dëshiron të ketë asnjë kontakt me ta.