Princesha e Uellsit, Kate kërkon falje për konfuzionin e fotografisë të publikuar për Ditën e Nënës

Princesha e Uellsit ka kërkuar falje “për çdo konfuzion” të shkaktuar nga fotografia e saj e Ditës së Nënës, pasi pesë agjenci e tërhoqën atë për shqetësimet e redaktimit.

Catherine, në një deklaratë të postuar në mediat sociale të Pallatit Kensington, tha: “Ashtu si shumë fotografë amatorë, unë herë pas here eksperimentoj me editimin”.

Imazhi, i marrë nga Princesha e Uellsit, ishte i pari i Catherine që u publikua që nga operacioni i saj në janar.

PA, Getty Images, AFP, Reuters dhe Associated Press e kishin hequr imazhin.

Në deklaratën e saj në X, Catherine tha: “Doja të shprehja faljen time për çdo konfuzion që shkaktoi fotografia familjare që shpërndamë dje. Shpresoj që të gjithë ata që festojnë ta kenë një festë shumë të lumtur të nënës”.

Në foto shihet princesha e ulur, e rrethuar nga Princesha Charlotte, Princi Louis dhe Princi George, ky i fundit duke i mbështjellë duart rreth saj.

Kjo ishte fotoja e parë zyrtare e Princeshës së Uellsit që nga operacioni i saj në bark dy muaj më parë. Që atëherë ajo ka qëndruar larg syrit të publikut.

Imazhi u postua në llogaritë e mediave sociale të Princit dhe Princeshës së Uellsit me një mesazh nga Catherine ku thuhej: “Faleminderit për urimet tuaja të mira dhe mbështetjen e vazhdueshme gjatë dy muajve të fundit, shkruan BBC, transmeton Klankosova.tv.