Pretendohet se 55 palestinezë janë arrestuar në Bregun Perëndimor

Ushtria izraelite ka arrestuar dhjetëra palestinezë, duke përfshirë fëmijë dhe ish të burgosur, në Bregun Perëndimor.

Kështu ka bërë të ditur Shoqëria Palestineze e të Burgosurve, në deklaratën e së cilës thuhet se operacionet e arrestimit ishin të përqendruara në provincën e Hebronit, ku u arrestuan 22 palestinezë.

Sipas tyre, pjesa tjetër e arrestimeve u kryen në provincat e Tubas, Betlehem, Qalqilya, Jerusalem dhe Ramallah, duke e dërguar numrin e të arrestuarve në 55.

Numri i përgjithshëm i arrestimeve që nga fillimi i luftës është rritur në rreth 7 mijë 400, tha kjo organizatë.