Policia suedeze arreston një person që tentoi të futej me forcë në ambasadën ruse në Stokholm

Policia suedeze tha se ka arrestuar një burrë që u përpoq të kalonte me forcë përmes portave të ambasadës ruse në Stokholm me një makinë herët në mëngjes të martën.

Policia tha se 45-vjeçari kishte dështuar në tentativë dhe u arrestua, i dyshuar për shkelje të rëndë.

Policia nuk dha më shumë informacione për identitetin e personit, raporton Reuters, transmeton Klankosova.tv.

Një zëdhënës i policisë tha se nuk kishte të dhëna për një motiv dhe se makina nuk kishte pasur asgjë të dyshimtë.