Nga një muaj paraburgim tetë të arrestuarve në veri për shitblerje të armëve

Gjykata Themelore në Mitrovicë ka caktuar nga një muaj paraburgim ndaj tetë personave me inicialet B.H., I.P., O.B., A.S., T.R., A.S., SH.S. dhe N.R.

Në njoftimin e lëshuar nga gjykata thuhet se gjyqtarja e procedurës paraprake vlerësoi se janë përmbushur kushtet ligjore për caktimin e masës së paraburgimit ndaj të pandehurve të sipërpërmendur, duke e aprovuar kështu kërkesën e Prokurorisë Themelore në Mitrovicë.

“Të pandehurve B.H., I.P. dhe O.B. iu është caktuar masa e paraburgimit për shkak të dyshimit të bazuar se në bashkëkryerje kanë kryer veprat penale I. ‘Detyrimi’ nga neni 328 par.1 e lidhur me nenin 31 të KPRK-së dhe II. ‘Importi, eksporti, furnizimi, transportimi, prodhimi, këmbimi, ndërmjetësimi ose shitje e paautorizuar e armëve apo material plasëse’ nga neni 364 par.1 lidhur neni 31 të KPRK-së, kurse të pandehurve A.S. dhe T.R. për shkak të dyshimit të bazuar se në bashkëkryerje kanë kryer veprën penale ‘Importi, eksporti, furnizimi, transportimi, prodhimi, këmbimi, ndërmjetësimi ose shitje e paautorizuar e armëve apo material plasëse’ nga neni 364 par.1 lidhur neni 31 të KPRK-së”.

“Të pandehurve A.S., SH.S. dhe N.R. për shkak të dyshimit të bazuar se në bashkëkryerje kanë kryer veprën penale ‘Importi, eksporti, furnizimi, transportimi, prodhimi, këmbimi, ndërmjetësimi ose shitje e paautorizuar e armëve apo material plasëse’ nga neni 364 par.1 lidhur neni 31 të KPRK-së”, thuhet në njoftim.

Tetë të pandehurit u arrestuan gjatë ditës së djeshme në pjesën veriore të vendit gjatë një aksioni policor. /Klankosova.tv