Nën shkallë gjen kukullën me një shënim rrëqethës (FOTO)

Mësuesi i shkollës fillore nga Liverpool, Jonathan Lewis, pasi u transferua në shtëpinë e tij të re, zbuloi një kukull që mbante një shënim rrëqethës.

Ai e vërejti atë të ulur në vrimën nën shkallë – dhe pasi e tërhoqi më shumë kartonin e gipsit, arriti ta nxirrte nga aty.

Mesazhi i frikshëm lexonte:

‘I dashur lexues/pronar i ri i shtëpisë. Faleminderit që më lirove! Emri im është Emily. Pronarët e mi origjinalë jetuan në këtë shtëpi në vitin 1961. Nuk më pëlqenin, kështu që duhej të shkonin. E tëra që ata bënin ishte të këndonin dhe të ishin të gëzuar. Ishte irituese. Goditja me thikë ishte zgjedhja ime e vdekjes për ta, kështu që shpresoj të keni thika. Shpresoj të flini mirë’.

Jonathan tha se miqtë e tij i kishin kërkuar që ta shiste shtëpinë dhe të dilte nga aty.

Ai shtoi: ‘Disa nga miqtë e mi më kanë thënë që ta vendos shtëpinë në shitje dhe të largohem, por mendoj se kjo është vetëm një gjë për të qeshur’.

“Letra thotë se ishte shkruar më 1961, por agjenti i patundshmërisë më tha se kuzhina ishte bërë vetëm para katër ose pesë vjetësh. Mendoj se atëherë duhet të jetë vënë aty sepse letra nuk duket shumë e vjetër”, deklaroi ai.