Koreja e Jugut synon të shtyjë tarifat amerikane  

Ministri i Financave i Koresë së Jugut, Choi Sang-mok, deklaroi të martën se Seuli do të përpiqet të shtyjë sa më shumë vendosjen e tarifave reciproke nga SHBA-ja, pasi këto masa kërcënojnë ekonominë e ndjeshme ndaj eksporteve të vendit.

Sipas ministrit, prioriteti kryesor i qeverisë është reduktimi i pasigurisë për bizneset koreane në tregun global, raporton Reuters, transmeton Klankosova.tv.

“Nga perspektiva e interesit kombëtar, qëllimi është të negociojmë sa më shumë dhe ta mbyllim këtë çështje nën qeverinë aktuale”, tha Choi gjatë një seance parlamentare.

Koreja e Jugut është një nga vendet që SHBA ka përfshirë në bisedimet për tarifat 25% të vendosura nga Presidenti Donald Trump,  tarifa që aktualisht janë pezulluar.

Megjithatë, kërcënimi për rikthimin e tyre mbetet i pranishëm.

Negociatat po zhvillohen në një klimë të pasigurt politike, pasi presidenti Yoon Suk Yeol u shkarkua këtë muaj pas shpalljes së shkurtër të ligjit ushtarak.

Zgjedhjet e jashtëzakonshme presidenciale janë caktuar për 3 qershor, duke shtuar presionin që marrëveshjet të përmbyllen para ndryshimit të pushtetit.