Haxhiu për gjendjen në Pediatri: Mos pritni që do të ketë përgjegjësi (VIDEO)

Ish-deputeti i PDK-së, Bekim Haxhiu, ka reaguar lidhur me gjendjen në Klinikën e Pediatrisë në Qendrën Klinike Universitare të Kosovës, pas rastit të fundit të raportuar nga një nënë.

Haxhiu në “Edicionin Special” në Klan Kosova ka thënë se problemet në shërbimet shëndetësore, veçanërisht në Pediatri, i ka ngritur vazhdimisht.

“Këtë gjendje çfarë e ka përshkruar sot nëna e një pacienti, një fëmije dyvjeçar, unë kam folur në vazhdimësi, pavarësisht kush ka qenë në pushtet”, deklaroi ai.

Ai ka kërkuar që qytetarëve t’u ofrohen shërbime më të mira shëndetësore dhe ka shprehur dyshimin se do të ketë përgjegjësi për gjendjen aktuale.

“Këto problem i kam ngritur sepse kam kërkuar që të ketë përgjegjësi dhe llogaridhënie. Me marrë një shërbim të duhur shëndetësor. Mos pritni që do të ketë ndonjë përgjegjësi”, u shpreh Haxhiu.