Konflikti në Gaza ka krijuar “një brez të tërë jetimësh”, thotë Mbreti i Jordanisë

Konflikti në Gaza ka krijuar “një brez të tërë jetimësh”, tha në një deklaratë Mbreti Abdullah II i Jordanisë.

“Më shumë fëmijë kanë vdekur në Gaza sesa në të gjitha konfliktet e tjera në mbarë botën vitin e kaluar”, thuhet në deklaratë. “Nga ata që kanë mbijetuar, shumë prej tyre kanë humbur njërin ose të dy prindërit – një brez i tërë jetimësh”, raporton CNN, transmeton KlanKosova.tv.

Deklarata vjen pasi Mbreti Abdullah II i Jordanisë u takua me Sekretarin e Shtetit të ShBA-së, Antony Blinken të dielën në Aman, ku të dy “ranë dakord të vazhdojnë koordinimin e ngushtë për ndihmën e qëndrueshme humanitare” në Gaza, tha të dielën zëdhënësi i Departamentit të Shtetit të ShBA-së, Matthew Miller.

Mbreti Abdullah II gjithashtu paralajmëroi Blinken për “pasojat katastrofike të luftës së vazhdueshme në Gaza”, sipas një deklarate të pallatit të lëshuar pas takimit të tyre.