Hoti kërkon përkrahjen e Luksemburgut për liberalizimin e vizave

Ministri i Financave, Avdullah Hoti po qëndron për vizitë zyrtare në Luksemburg, ku është pritur në takim nga Ministri i Financave i Dukatës së Madhe të Luksemburgut Pierre Gramegna.

Hoti dhe homologu i tij nga Luksemburgu Pierre Gramegna kanë diskutuar për zhvillimet ekonomike në vend dhe situatën politike dhe ekonomike në rajon dhe më gjërë, transmeton Klan Kosova.

Minisitri i Financave e falenderoi ministrin Gramenga për gatishmerinë e fillimit të negociatave për Marrëveshjen e eliminimit të tatimit të dyfishtë, hap ky i cili do të mundësoj një bashkëpunim më të mirë tregtar si dhe do të hapë rrugën për mbajtjen e Forumit të Investimeve mes dy vendeve.

Hoti kërkoi ndihmën e shtetit të Luksemburgut për Kosovën në përgatitjen e legjislacionit për tregun e kapitalit ashtu si edhe përkrahje në procesin e liberalizimit të vizave si hap i domosdoshëm për implementimin e plotë të MSA-së për të cilën çështje ministri Gramenga u zotua për përkrahje.