Gjysmëhëna e Kuqe e Turqisë dërgon anijen më të madhe me ndihma në Gaza

Gjysmëhëna e Kuqe e Turqisë ka dërguar anijen më të madhe me ndihma në Gaza këtë të enjte.

Ajo bartte rreth 3,000 tonë të ndihmës, sipas një njoftimi të organizatës të bërë në rrjetin X, transmeton KlanKosova.tv.

“Ekspeditë shprese për Gazën. Anija jonë më e madhe me ndihma për Gazën po niset sot. Afërsisht 3,000 tonë me material ndihmash do të sjellë shpresë për gazën”, thotë qëndrimi I Gjysmëhënës së Kuqe të Turqisë.

“Anija është dërgesa më e madhe që kemi bërë. Këto ndihma, kuzhina kontejnerë, ushqim, veshje dhe barna do të jenë një shtysë morale për njerëzit e Gazës”.

Turqia deri më tani ka dërguar shtatë anije me ndihma për Gazën.