Gabriel Escobar nesër në Prishtinë, fton në takim Memli Krasniqin

I dërguari amerikan për Ballkanin Perëndimor, Gabriel Escobar, ka ftuar në takim kryetarin e PDK-së, Memli Krasniqin.

Klankosova.tv merr vesh se takimi i tyre gjatë pasditës të së martës, do të mbahet në rezidencën e ambasadorit amerikan, Jeff Hovenier.

Gabriel Escobar edhe i dërguari i posaçëm i BE-së për dialogun Kosovë-Serbi, Mirosllav Lajçak, do të vizitojnë Kosovën dhe Serbinë.

Sipas burimeve të Radio Evropa e Lirë, ata do të bëjnë përpjekje për të bindur palët që të arrijnë marrëveshje për tejkalimin e tensioneve në veri të Kosovës si dhe për çështjen e targave të veturave dhe dokumentet serbe.

Në takimin e fundit të nivelit të lartë në Bruksel, që është mbajtur më 18 gusht, kryeministri i Kosovës, Albin Kurti dhe presidenti i Serbisë, Aleksandar Vuçiq, nuk kanë arritur marrëveshje për këto çështje.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.