Fëmijët zgjasin për dy vjet jetën e prindërve

Shprehja “fëmijët të shtojnë jetën” përdoret mjaft shpesh, por me sa duket kjo është provuar edhe shkencërisht.

Kur Friedrich Nietzsche deklaronte “ajo që nuk të vret, të bën të fortë” ai ndoshta nuk ka pasur parasysh prindërimin.

Megjithatë, një studim i ri sugjeron se përkundër netëve pa gjumë, merakut të pandërprerë dhe dhimbjeve të kokës për shkak të financave, fëmijët iu rrisnin jetëgjatësinë.

Në të vërtetë, baballarët jetojnë gati dy vjet më gjatë se burrat pa fëmijë, ndërkohë që nënat fitojnë 18 muaj më shumë jetë.

Shkencëtarët nuk besojnë se efekti është biologjik, por dashuria dhe mbështetja është shumë e rëndësishme në jetën e mëvonshme.