Lukaku ia siguron Belgjikës një pikë përballë Egjiptit

Belgjika dhe Egjipti e kanë nisur me barazim aventurën e tyre në Grupin G të Kampionatit Botëror, pas një përballjeje të luftuar që u zhvillua në Seattle.

Të dyja kombëtaret u desh të kënaqeshin me nga një pikë në ndeshjen e parë të grupit.

Egjiptianët kaluan të parët në epërsi falë golit të Emam Ashour, i cili shfrytëzoi mirë një rast për t’i dhënë avantazhin skuadrës së tij.

Megjithatë, reagimi i Belgjikës nuk mungoi. “Djajtë e Kuq” arritën të rikthehen në lojë dhe të barazojnë rezultatin, me golin që erdhi pas një autogoli të Mohamed Hany, duke bërë që sfida të mbyllej pa fitues, transmeton Klankosova.tv.

Me këtë rezultat, të dyja ekipet grumbullojnë nga një pikë në renditjen e Grupit G dhe mbeten në garë për kualifikimin në fazën tjetër.

Në xhiron e ardhshme, Egjipti do të përballet me Zelandën e Re, ndërsa Belgjika do të kërkojë fitoren e parë ndaj Iranit.