Eksperti i ushqimit i OKB-së akuzon Izraelin për shkatërrimin e sistemit ushqimor të Gazës

Një ekspert i OKB-së ka akuzuar Izraelin për shkatërrimin e sistemit ushqimor të Gazës si pjesë e një “fushate të gjerë urie”.

Duke folur për Këshillin e OKB-së për të Drejtat e Njeriut, raportuesi special, Michael Fakhri tha se imazhet e urisë në Gaza janë të papërballueshme.

“Izraeli ka ngritur një fushatë urie kundër popullit palestinez në Gaza”, shtoi ai.

Zyrtarët e ndihmës kanë paralajmëruar për gjendjen e urisë, derisa spitalet në pjesën veriore  thonë se fëmijët kanë filluar të vdesin nga kequshqyerja.