Djali i Buffonit vendos të luajë për “dajët”, zgjedh të përfaqësojë Çekinë

Louis Buffon, djali i legjendës së Juventusit dhe Italisë, Gianluigi Buffon, bëri debutimin e tij profesional për ekipin e Serie B, Pisa, të dielën.

Ndryshe nga babai i tij, fitues i Kupës së Botës, i cili ka bërë më shumë se një mijë paraqitje profesionale gjatë një karriere të shkëlqyer si portier, 17-vjeçari luan si sulmues i majtë.

Louis u fut në lojë si zëvendësues në minutat e fundit nga trajneri i Pisës, Filippo Inzaghi – i cili ka luajtur përkrah babait të tij me ekipin kombëtar të Italisë – gjatë humbjes 3-2 ndaj Spezias.

I lindur në Torino, ai së fundmi zgjodhi të përfaqësojë Republikën Çeke, vendin e origjinës së nënës së tij, në nivelin U-18.