Aksident në Shipol të Mitrovicës, lëndohen dy persona

Një aksident mes dy veturave ka ndodhur në  rrugën “Dëshmorët e Kombit” në lagjen Shipol të Mitrovicës, ku kanë mbetur të lënduar lehtë dy perona.

Rastin për Klankosova.tv, e ka konfirmuar zëdhënësi i policisë për rajonin e Mitrovicës, Ilmi Prekazi.

“Rreth orës 21:35, në rrugën ,,Dëshmorët e Kombit” në lagjen Shipol të Mitrovicës, ka ndodhur një aksident trafiku me lëndime, ku të përfshirë në aksident kanë qenë dy automjete me targa vendore. Në këtë aksident lëndime të lehta kanë pësuar dy persona, të cilët pas pranimit të tretmanit mjeksor janë liruar në shtëpi”, tha Prekazi.

Është bërë vend shikimi i ngjarjes dhe janë kryer procedurat e nevojshme policore për këtë rast.