A do të debutojë Rrahmani në ndeshjen e madhe të Ligës së Kampionëve?

Javën e kaluar u zyrtarizua te skuadra çeke, Sparta e Pragës.

Reprezentuesi i Kosovës, Albion Rrahmani, nesër mund t’i ketë minutat e para me ekipin e ri, në ndeshjen që mund t’ia sigurojë atij dhe skuadrës, grupet e Ligës së Kampionëve, njofton Klankosova.tv.

Ish-sulmuesi i Ballkanit, u transferua në kryeqendrën e Çekisë nga Rapidi i Bukureshtit, ku kishte shkuar direkt prej kampionëve të Kosovës.

5 milion euro ka kushtuar kartoni i lojtarit llapjan, raporton Klankosova.tv.

Sparta e Pragës e ka mposhtur Malmon në duelin e parë të fazës PlayOff, të zhvilluar në Suedi. Nesër para tifozëve të tyre, 38 herë kampionët e Republikës Çeke synojnë të rikthehen pas plot 18 vjetësh, në grupet e kompeticionit më të rëndësishëm evropian për klube, UEFA Champions League.

Rrahmani gjeti në Pragë edhe bashkëlojtarin e tij të dikurshëm te Ballkani, Ermal Krasniqin, së bashku me tre shqiptarë të tjerë, Qazim Laqi, Indrit Tuci dhe Enes Osmani.