Vera më e keqe e jetës së tij – ylli i Barcelonës bën një rrëfim të sinqertë

Triumfi i Spanjës në kampionat u bë një kujtesë e dhimbshme e një ëndrre të paplotësuar për Fermin Lopez.

Pasi fituan Kupën e Botës, pothuajse çdo lojtar i ekipit kombëtar spanjoll e ndryshoi foton e profilit të tij në Instagram me një foto me trofeun. Përjashtimi i vetëm ishte Fermin Lopez, i cili humbi të gjithë turneun për shkak të një dëmtimi.

Mesfushori pranoi se kaloi një nga periudhat më të vështira të karrierës së tij:

“Ishte vera më e keqe e jetës sime. Isha në formën më të mirë të karrierës sime, gjithçka po shkonte në mënyrë perfekte, dhe pastaj ndodhi lëndimi. Në fillim, nuk munda as të shikoja ndeshjet e Kupës së Botës sepse doja shumë të isha atje dhe të luaja”, tha Fermín.

Lojtari pësoi një frakturë të kockës së pestë metatarsale në këmbën e djathtë gjatë ndeshjes së Barcelonës kundër Betisit. Pas një ekzaminimi mjekësor, u vendos që ndërhyrja kirurgjikale ishte e nevojshme – një dëmtim që përfundimisht e përjashtoi Lopezin nga Kupa e Botës.

Pa Fermin-in, Spanja arriti në finale dhe mposhti Argjentinën 1-0 në kohën shtesë, duke fituar titullin e dytë të Kupës së Botës në historinë e saj. /Klankosova.tv