Trump: Mund të takohem me liderin e ri të Iranit nëse ka një marrëveshje për t’i dhënë fund luftës

Presidenti amerikan, Donald Trump, tha se do të ishte i hapur për një takim me liderin e ri suprem të Iranit, nëse arrihet një marrëveshje për t’i dhënë fund konfliktit.

“Unë nuk dua të takohem. Por nëse do të takoja, do të ishte nder për mua. Do të doja të shihja nëse mund të bëjmë një marrëveshje, dhe nëse e bëjmë, është e mundur që të takohem me të. Do të isha i gatshëm për këtë,” tha Trump për gazetarët në Zyrën Ovale, shkruan CNN, transmeton Klankosova.tv.

Kur u pyet nëse një takim i tillë mund të zhvillohej në Shtetet e Bashkuara, Trump u përgjigj: “Nuk kam dëgjuar shumë për këtë. Nuk e kam sugjeruar unë, por disa njerëz e kanë sugjeruar.”

Ai theksoi se do të tregonte respekt gjatë çdo takimi me liderin suprem.

“Do të thoja që unë nuk jam personi i tij i preferuar, por megjithatë, ai është ndoshta një profesionist,” shtoi Trump, duke theksuar se “në disa qarqe ai ka një reputacion shumë të mirë, në të vërtetë”.