Shtatë budistë humbin jetën në një aksident me teleferik në Sri Lanka

Të paktën shtatë murgj budistë, përfshirë tre shtetas të huaj, vdiqën në një aksident me teleferik në një manastir të Sri Lankës të mërkurën, tha policia lokale për CNN.

Murgjit ishin në mesin e 13 personave që udhëtonin me teleferik në Manastirin Na Uyana në Sri Lankën qendrore, i cili shtrihet në më shumë se 5,000 hektarë pyll në një vargmal, tha Policia e Pansiyagamës, transmeton Klankosova.tv.

Incidenti ndodhi rreth orës 21:00 të mërkurën, sipas policisë. Nga ata që vdiqën, tre ishin shtetas të huaj nga India, Rusia dhe Rumania, thanë oficerët.