Ministri kroat takon Konjufcën, riafirmon mbështetjen për Kosovën në rrugën evropiane

Ministri Punëve të Jashtme të Kroacisë, Gordan Grliq Radman, ka zhvilluar një takim me ministrin në detyrë të Punëve të Jashtme dhe Diasporës së Kosovës, Glauk Konjufca.

Në një postim të tij në X, kryediplomati kroat ka bërë të ditur se me Konjufcën kanë diskutuar për mbështetjen e vazhdueshme të Kroacisë ndaj rrugës evropiane të Kosovës, si dhe për rëndësinë e stabilitetit institucional dhe përparimit në reforma.

“Diskutuam për mbështetjen e vazhdueshme të Kroacisë për rrugën evropiane të Kosovës, rëndësinë e stabilitetit institucional dhe përparimit në reforma, si dhe mundësitë për të forcuar më tej bashkëpunimin tonë në fushën e mbrojtjes, sigurisë, ekonomisë dhe nismave rajonale. Kroacia do të vazhdojë ta mbështesë perspektivën evropiane të Kosovës dhe kontributin e saj për stabilitetin në Evropën Juglindore”, shkroi ai mes tjerash në X. /Klankosova.tv  

With @KonjufcaGlauk, First Deputy Prime Minister and Minister of Foreign Affairs and Diaspora of the Republic of Kosovo. 🇭🇷🇽🇰

We discussed Croatia’s continued support for Kosovo’s European path, the importance of institutional stability and reform progress, as well as… pic.twitter.com/N3VOe494zx

— Gordan Grlić Radman (@grlicradman) June 27, 2026