Babai nga Kaçaniku thotë se djali i tij 4-vjeçar nuk u pranua në çerdhe

Lulzim Berisha, babai i një 4-vjeçari nga Kaçaniku, ka deklaruar se djali i tij, Ozani, nuk është pranuar këtë vit në çerdhen ku kishte qëndruar tre vitet e fundit.

Ngjarja ndodhi sot në ditën e parë të vitit të ri shkollor.

Në një prononcim për Klankosova.tv, Berisha u shpreh se nuk është njoftuar për arsyet e mospranimit, ndonëse ka dorëzuar të njëjtat dokumente si më herët.

“Me të njëjtat dokumente e kam dërguar, nuk di çka ka ndodhur. Ai tri vitet e kaluara ka qenë aty”, ka thënë ai. /Klankosova.tv