ASIST vjen sonte me tri temat më të nxehta të basketbollit kosovar

ASISTI i 609-të sonte shtjellon tri temat më të nxehta aktualisht në basketbollin kosovar:

–  Referimi;

– Dështimi i Përfaqësueses së Kosovës për të kaluar parakualifikimet;

–  Zgjerimi i Superligës nga 8 në 10 klube;

Pse po çalon referimi në basketbollin kosovar?

Pse dhe sa po e dëmton basketbollin gjykimi i dobët ?

Pse Kosova për herë të pestë rresht dështon t’i kaloj parakualfikimet për Eurobasket dhe Botëror?

A ishte gabim angazhimi i selektorit Choulet?

Pse nuk e angazhoi Kosova ndihmësin e Atamanit te Panathinaikosi , Cenk Yildirimin?

Pro et contra zgjerimit të Superligës në 10 skuadra:

A është financiarisht i arsyeshëm zgjerimi i Superligës?

Si do të ndikonte në kualitetin e Superligës?

Rreziku dhe të mirat e zgjerimit?

Gjitha këto tema me interes jashtëzakonisht të lartë për basketbollin kosovar sonte i diskutojmë me njeriun e parë të basketbollit kosovar, Arben Fetahun, kryetarin e Federatës së Basketbollit të Kosovës.

Pjesa e dytë i dedikohet elitës së basketbollit të meshkujve me ProCredit Superligën dhe Ligën Unike

Vikendi solli ndeshje dhe rezultate interesante , si dhe ndryshime në renditjet tabelore Sigal Prishtina shënoi fitoren e 9 rresht pas dramës fantastike basketbollistike ndaj rivalit lokal Borës, Peja kaloi lehtë ndaj Proton Cable Prizrenit kurse të dielën ishim dëshmitar të dy dueleve të nxehta Vëllaznimi – Bashkimi  dhe Golden Eagle Ylli– Trepça ku dy top skuadrat luftuan për të ruajtur lidershipin. Gjitha këto në përmbledhjet dhe analizat e detajuara të cilat kompletohen me Pesëshet dhe MVP-it e Javës në ASIST

Por as kjo nuk është e tëra sepse në pjesën e tretë vjen basketbolli i femrave me Ligën Unike dhe Superligën e Femrave ndërsa sot na kthehet edhe blloku i dashur për gjithë ne, Shqiptarët në Botë i cili sjell lajmet e fundit mbi shfaqjet e lojtarëve dhe trajnerëve shqiptarë.

Krejt në fund, ajka e ASISTIT me Top 10 aksionet më të bukura të kësaj jave fenomenale.

Gjitha këto dhe shumë më shumë në ASISTIN 609 sonte shumë të nxehtë nga ora 19:30 në Sport 1 në Artmotion dhe menjëherë pas Edicionit Special në Klan Kosova