Sinan Vllasaliu lajmërohet pas operacionit, falënderon ekipin mjekësor

Këngëtari i njohur kosovar, Sinan Vllasaliu, ka shprehur mirënjohjen e tij ndaj ekipit mjekësor që u kujdes për të gjatë një ndërhyrjeje kirurgjikale, pas një aksidenti i cili ndodhi javën e kaluar.

Përmes një postimi në Facebook, Vllasaliu falënderoi mjekët dhe stafin shëndetësor për profesionalizmin, kujdesin dhe përkushtimin e treguar gjatë operacionit të tij.

“Me shumë mirënjohje dhe falënderime të sinqerta për ekipin e mrekullueshëm të mjekëve dhe stafit që u kujdesën për mua gjatë operacionit tim. Faleminderit për profesionalizmin, kujdesin dhe përkushtimin tuaj”, ka shkruar ai.

Në fund, artisti u shpreh mirënjohës për kujdesin e marrë, duke theksuar se do t’u jetë përherë falënderues të gjithë atyre që kontribuuan në trajtimin e tij.