Udhëheqësit polakë takohen me Bidenin për bisedimet rreth Ukrainës

Presidenti dhe kryeministri i Polonisë po takohen sot me Joe Bidenin për bisedime në Uashington.

Vizita shënon 25-vjetorin e anëtarësimit të Polonisë në NATO, por diskutimet pritet të përqendrohen gjithashtu rreth një shtytjeje për ndihmën e vazhdueshme të ShBA-së për Kievin.

Përpara vizitës, presidenti Andrzej Duda u kërkoi anëtarëve të tjerë të NATO-s që të rrisin shpenzimet e tyre të mbrojtjes në përgjigje të Rusisë që e vendos ekonominë e saj në një bazë lufte.

“Lufta në Ukrainë ka treguar qartë se Shtetet e Bashkuara janë dhe duhet të mbeten lider në çështjet e sigurisë në Evropë dhe në botë”, tha ai në një fjalim kombëtar dje. “Megjithatë, vendet e tjera të NATO-s duhet gjithashtu të marrin përgjegjësi më të madhe për sigurinë e të gjithë aleancës dhe të modernizojnë dhe forcojnë intensivisht trupat e tyre”.

Shtëpia e Bardhë tha se Duda, Biden dhe kryeministri Donald Tusk do të “riafirmojnë mbështetjen e tyre të palëkundur për mbrojtjen e Ukrainës kundër luftës brutale pushtuese të Rusisë”.