Skënderaj:Vëllai vret vëllain për një rrugicë

Një vrasje rreth orës 18:00 ka ndodhur sot në fshatin Kuqicë të Skënderajt.

Lajmin për Klan Kosovën, e ka konfirmuar edhe zëdhënësi i policisë rajonale të Mitrovicës, Avni Zaiti.

“Një person rreth moshës 57 vjeçare ka mbetur i vdekur si pasojë e një incidenti me armë zjarri që dyshohet se është kryer nga vëllai i tij.”

Zaiti ka shtuar se nga hetimet fillestare dyshohet se deri tek vrasja ka ardhur për një mosmarrëveshje pronësore mes vëllezërve.

“ Mendohet që motivi të ketë qenë pronësor, gjegjësisht një rrugicë, i dyshuari është në arrati dhe policia është në kërkim të tij,  ka përfunduar Zaiti, njofton Klan Kosova.