Zyrtare: Atletico Madrid nënshkruan me sulmuesin e PSG-së!

Ekipi i Madridit i ka shtuar sulmit të tyre aftësi teknike, shkathtësi dhe një këmbë të majtë mahnitëse.

Atletico ka njoftuar zyrtarisht nënshkrimin e mesfushorit 25-vjeçar të Koresë së Jugut, Lee Kang-in, nga Paris Saint-Germain. Lojtari ka nënshkruar një kontratë me klubin madrilen deri më 30 qershor 2031.

Lee Kang-in mund të luajë si mesfushor sulmues, si dhe në të dy krahët. Atlético theksoi veçanërisht vizionin e tij, kontrollin e topit, pasimet e sakta dhe gjuajtjet e fuqishme.

Ky transferim shënon një rikthim në La Liga për koreano-jugorin, i cili më parë ka luajtur për Valencian dhe Mallorcën. Gjatë kohës së tij me PSG-në, mesfushori bëri 124 paraqitje, duke shënuar 16 gola dhe duke dhënë 16 asiste. /Klankosova.tv