Zbulohet figura e Nënë Terezës në Pfaffenhofen të Gjermanisë (FOTO)

Figura e Nënë Terezës e shkrirë në bronz tashti gjendet edhe në Pfaffenhofen të Gjermanisë.

Janë Shoqata Kulturore Shqiptaro-Gjermane “SALI ÇEKAJ” të cilët janë kujdesur që figura e të madhes Tereza të vendoset edhe atje.

Kjo shoqatë kanë organizuar edhe një ceremoni të veçantë për zbulimin e figurës së Nënës Terezë të shkrirë në bronz.

Ceremonia është mbajtur në Pfaffenhofen.

Pas zbulimit të figurës së Nënë Terezës, e cila është bërë në 17:30 do të mbahet edhe një koncert ku do të performojë edhe këngëtarja me nam Eda Zari.

Përpos saj do të interpretojnë edhe Astrit Mulaj & Kolë Oroshi, Meda e grupe valltaresh nga shoqata të ndryshme, njofton Klan Kosova.

Ndërsa me 4 shtator 2016  Nënë Tereza do të shenjtërohet 13 vite pas Lumturimit nga Papa Gjon Pali II-të.

Gjatë ceremonisë pritet që në Romë të mbërrijnë 300 mijë pelegrinë.

*Fotografitë në Klan Kosova i kanë dërguar kosovarët që kanë udhëtuar nga vende të ndryshme në Gjermani, për të marrë pjesë në inaugurimin e figurës së Nënë Terezës.

klankosova.tv