Xhamitë më të bukura në botë (FOTO)

Në vazhdim ua sjellim disa nga xhamitë më të bukura anë e mbanë botës.

Xhamia El Haram në Mekë

Kjo është xhamia më e madhe, më e vjetër dhe vendi më i shenjtë në Islam, të cilin gjatë pelegrinazhit vjetor të Haxhit e vizitojnë deri në dy milionë pelegrin.

Xhamia Al Nabawi, Medinë, Arabi Saudite

Xhamia Al Nabaëi është vendi i dytë më i shenjtë në Islam për shkak se Profeti Muhamed, është varrosur në qendër të saj nën kuben e gjelbër të njohur si Kubeja e Pejgamberit.

Kubeja e Xhamisë së Gurit, Jerusalem

Kubeja e Gurit gjendet në një zonë të Jerusalemit të vjetër, të quajtur Mali i Tempullit; ajo mbulon një shkëmb për të cilin, disa myslimanë dhe dijetarë besojnë së është vendi prej ku Muhamedi u ngjit në qiell.

Xhamia e Kaltër, Stamboll

Ndonëse emri i saj  zyrtar është Xhamia e Sulltan Ahmedit, kjo xhami më shumë njihet si Xhamia e Kaltër për shkak të 20 mijë pllakave të kaltra të punuara me dorë, me të cilat janë të dekoruara muret e saj të brendshme.

Xhamia Shah Faisal, Islamabad

E përfunduar në vitin 1986, kjo xhami në formë të çadrës së Beduinëve, që gjendet në pjesën perëndimore të Himalajeve, është xhamia më e madhe në Pakistan.

Xhamia Sulejmanije, Stamboll

Sulejmani i Madhërishëm, apo sulltani që ka mbajtur fronin e Perandorisë Osmane për kohën më të gjatë (44 vjet), është varrosur së bashku me gruan e tij, Haseki Hurrem Sulltannë këtë më të madhen xhami në Stamboll që mban emrin e tij.

Xhamia e Madhe Sheikh Zayed, Abu Dabi

Në këtë xhami në të cilën ka vend për 40 mijë besimtarë gjendet qilimi më  i madh në botë. E veçantë tjetër e kësaj xhamie  është ndriçimi unikat i mureve të  jashtme të saj, i cili behët më i errët ose më i ndritshëm varësisht nga fazat e hënës.

Xhamia Nusrat Djahan në Kopenhagë

E ndërtuar në vitin 1967, kjo është xhamia e parë në  Danimarkë, vend ky në të cilin 4% e popullsisë është myslimane.

Xhamia e Madhe e  Bursës, Turqi

Xhamia e Bursës me njëzet kube është një nga shembujt më të mirë të kaligrafisë islame në botë.

 Xhamia e Kristaltë në Malajzi 

E ndërtuar në vitin 2008 me material çeliku, qelqi dhe kristali, kjo xhami është e veçantë me dizajnin e saj të përgjithshëm mahnitës. /almakos.com