Vdes Astrud Gilberto, “vajza nga Ipanema”

Këngëtarja me famë ndërkombëtare e zhanrit bossa nova, Astrud Gilberto, ka vdekur në moshën 83-vjeçare.

Versioni i saj i këngës “Vajza nga Ipanema” vazhdon të jetë më i famshmi dhe më i dëgjuari.

Bashkëpunëtori i kamotshëm i saj, Paul Ricci, e ka konfirmuar vdekjen e Gilbertos, duke thënë që i biri i saj, Marcelo, kishte kërkuar nga ai që ta bënte publik këtë lajm.

“Ajo ishte pjesë e rëndësishme e të GJITHË asaj që është muzikë braziliane në botë, dhe ajo ndryshoi shumë jetë me energjinë e saj”, ka shkruar Ricci.