Të shtëna në Kiev: Dy të vrarë e disa të plagosur

Dy persona janë vrarë dhe të tjerë janë plagosur, ndërsa një person ka hapur zjarr në Kiev, tha kryebashkiaku i kryeqytetit ukrainas, Vitali Klitschko.

Incidenti ndodhi në lagjen jugore Holosiivskyi, shkruan BBC, transmeton Klankosova.tv.

Ministri i Brendshëm i Ukrainës, Ihor Klymenko, konfirmoi më vonë se njerëz ishin marrë peng në një supermarket dhe se sulmuesi qëlloi ndaj oficerëve të policisë përpara se të vritej.

Numri i saktë i të vrarëve dhe të plagosurve është i paqartë, por Klitchko tha se të paktën 10 persona ishin dërguar në spital, përfshirë një fëmijë.