Stereotipet e dizajnit të enterierit që duhet t’i harroni NULL NULL 14.03.2018 14:00 14.03.2018 14:00 Ne të gjithë jemi mësuar që të blejmë tavolina dhe karrige nga i njëjti koleksion. Jeni mësuar se nëse blini një shtrat, duhet të jetë patjetër pjesë e një dhome të fjetjes. Por sot ju mund t’i harroni të gjitha këto stereotipe. Më poshtë do t’ju tregojmë se cilat rregulla mund t’i thyeni derisa e dizajnoni shtëpinë tuaj, transmeton Klan Kosova. Divanët dhe kolltukët me ngjyrë të njejtë Shumë njerëz besojnë në idenë që mobiljet duhet të blihen si një set: divanët dhe kolltukët duhet të jenë të njëjta. Ju nuk duhet të ndiqni më këtë rregull. Ju mund të blini kolltuqe krejtësisht të ndryshme dhe t’i kombinoni me divanin tuaj. Ajo që me të vërtetë ka rëndësi është se ato duhet të jenë të ngjashme me diçka tjetër në shtëpinë tuaj. Mobiljet e dhomës së fjetjes Ju nuk duhet ta bleni patjetër një dhomë të fjetjes. Ju mund të jetoni pa të dhe të blini vetëm një shtrat dhe tavolina të këndshme afër shtratit. Muret e bardha Po, muret e juaja mund të jenë krejtësisht të bardha, si në spital – vetëm nëse nuk keni shumë mobilje dhe dekorime të bardha në dhomë. Mobilje afër murit Ky opinion është shumë popullor sepse njerëzit mendojnë se kjo u jep atyre më shumë hapësirë të lirë. Epo, po, nëse dhoma është e vogël dhe nuk ka mundësi të tjera. Megjithatë, nëse është mjaft e madhe, mund ta harroni këtë stereotip. Pllaka triviale në banjo Tani ka shumë mënyra për të dekoruar banjën tuaj, kështu që më në fund mund t’i thuani “JO” pllakave triviale. Ju mund të provoni pllaka që duken si guri, betoni apo edhe druri. Karriga dhe tavolina të njejta Ju mund ta bëni më të larmishëm enterierin e kuzhinës nëse blini një tavolinë dhe karrige nga koleksione të ndryshme. Mos kini frikë të eksperimentoni. Mobilje të mëdha Krahët dhe mbështetëset e mëdha të divaneve nuk janë më popullore. Kur zgjidhni mobiljet, mbani mend një rregull: sa më e vogël është dhoma juaj, sa më të vogla duhet të jenë kolltuqet, divanet dhe tavolinët. Një dhomë e fëmijës me ngjyra të hapura Dhoma e një fëmije mund të jetë ambient i qetë pa ngjyra shumë të ndezura. Në një dhomë të tillë, imagjinata e një fëmije mund të zhvillohet më mirë. Një dhomë e tillë mund të bëhet më interesante me lodra, postera dhe vizatime të ndryshme.
