Shtëpia e Fishtës magazinë e misrit – turpi ynë kombëtar (FOTO)

Katër ditë para ditëlindjes së At Gjergj Fishtës, në rrjetet sociale janë postuar disa foto të shtëpisë së tij të lindjes.

Në vend që të ishte një shtëpi muze, gjendja e saj është e mjerueshme, sidomos në pjesën e brendshme.

Dhomat e shtëpisë shërbejnë si magazina për kallamishtet e misrit.

Përveç bustit të Fishtës që qëndron jashtë, kjo shtëpi s’ka asgjë tjetër që të të kujtojë se këtu ka lindur poeti dhe rilindasi i shquar shqiptar.

Në një gjendje të keqe ishte edhe shtëpia e lindjes së vëllezërve Frashëri në Përmet. Pak kohë më parë në rrjetet sociale ishin postuar foto që tregonin gjendjen e saj.

Ndërsa në shtëpinë e Fishtës magazinohet misër, në shtëpinë e vëllezërve Frashëri thahej kanabis sativa.