Rusia zgjat arrestin me burg të gazetarit amerikan Evan Gershkovich

Një gjykatë në Moskë urdhëroi të martën për reporterin e Wall Street Journal, Evan Gershkovich, të qëndrojë në burg për akuzat për spiunazh të paktën deri në fund të qershorit, thanë zyrtarët e gjykatës, raporton AP,transmeton Klan Kosova.

Shtetasi 32-vjeçar amerikan u arrestua në fund të marsit 2023 teksa ishte në një udhëtim raportimi dhe ka kaluar gati një vit pas hekurave. Arrestimi i tij është zgjatur deri më 30 qershor.

Gershkovich dhe punëdhënësi i tij i kanë mohuar akuzat dhe qeveria amerikane e ka shpallur atë të arrestuar gabimisht.

Arrestimi i Gershkovichit në Yekaterinburg tronditi gazetarët në Rusi, ku autoritetet nuk kanë detajuar se çfarë provash kanë për të mbështetur akuzat për spiunazh.

Gazetari po mbahet në burgun Lefortovo të Moskës, i cili është i njohur për kushtet e tij të vështira.

Ambasadorja e ShBA-së në Rusi, Lynne Tracy mori pjesë në seancën gjyqësore të martën dhe përsëriti se “akuzat kundër Evanit janë kategorikisht të pavërteta”.

“Ato nuk janë një interpretim i ndryshëm i rrethanave. Ato janë trillime”, u tha Tracy gazetarëve jashtë gjykatës. “Asnjë justifikim për ndalimin e vazhdueshëm të Evanit dhe asnjë shpjegim se pse ai bënte punën e tij si gazetar përbënte një krim. Çështja e Evanit nuk ka të bëjë me prova, proces të rregullt ligjor apo sundim të ligjit. Bëhet fjalë për përdorimin e qytetarëve amerikanë si pengje për të arritur qëllime politike”, shtoi ai.