Rashiq bisedon me deputetët e PDK-së, a po e kërkon votën e tyre?

Deputeti Nenad Rashiq është parë duke biseduar me kryetarin e Partisë Demokratike të Kosovës dhe deputetë të tjerë të kësaj partie pak para se të vazhdojë seanca e cila ishte thirrur të nis në orën 11:00.

Akoma nuk dihet nëse Rashiq po e kërkon votën e tyre për t’u zgjedhur njëri nga nënkryetarët e Kosovës, raporton Klankosova.tv

Për shkak të refuzimit të Listës Serbe për të zëvendësuar kandidatin Sllavko Simiq për nënkryetar, Dimal Basha seancën e kaluar i hodhi në votim kandidatët e tjerë përmes shortit, përfshirë edhe emrin e Rashiqit, kryetarit të partisë serbe për Liri, Drejtësi dhe Mbijetesë, i afërt me kreun e Vetëvendosjes, Albin Kurti.

Rashiq nuk mori vota të mjaftueshme gjatë votimit, ashtu si edhe deputetët e tjerë të Listës Serbe.