Prindërit vrasin veten pasi u vdes djali nga kanceri

Nicu Arava dhe gruaja e tij Vali kanë vrarë veten disa orë pasi djali i tyre nëntë vjeçar ndërroi jetë prej sëmundjes së kancerit.

Fqinjët e kanë gjetur trupin e çiftit afër djalit në banesën e tyre në Rumani, transmeton Klan Kosova.

Prokurori i kësaj çështjeje ka treguar se çifti është varur afër trupit të nëntë vjeçarit trupi i të cilit ishte i mbuluar me një batanije.

Më pas në kompjuterin e Valit është gjetur një shënim i shtatë viteve më parë, në kohën kur ata e kuptuan që djali i tyre është me kancer.

“Kur kuptova diagnosën unë ndjeva që po vdisja”.

“Nuk mund ta përshkruaj dhimbjen që dy prindër ndjejnë në momentin kur kuptojnë se fëmiu yt është i sëmurë me kancer”.

Fjalët e fundit të cilat janë postuar nga nëna e tij ishin këto: “Ne shpresojmë që djali ynë është me fat dhe tumori do të shpartallohet. Por vetëm mendimi se çdo moment mund të jetë fatal më bënë të çmendem”.