Pengu që Modric ka me Tottenham-in

Mesfushori i Real Madridit, Luka Modric, ka thënë se i ka mbetur peng që nuk kishte fituar asnjë trofe me ish-skuadrën e tij, Tottenham Hotspur.

“Një pendesë e imja është që nuk fitova asnjë trofe me Tottenham-in, pavarësisht se ishim një skuadër e fortë që luante mirë, që luanim futboll atraktiv”, tha kroati për FourFourTwo.

“Më vjen keq për mënyrën se si u largova. Do të dëshiroja sikur të ishim ndarë në një mënyrë më të mirë. Shpresoj që fansat e kuptojnë se unë ndoqa ëndrrat e mia”.