Pejë: Dyshohet djali ia vodhi armën dhe veturën zyrtarit të ShKK-së

Të shtunën në mbrëmje ka ndodhur një rast në fshatin Vitomiricë të Pejës.

Një person e ka vërejtur se atij po i mungonte arma zyrtare.

Me këtë rast, menjëherë ai e ka njoftuar policinë, të cilët i kanë nisur hetimet për këtë rast.

Klankosova.tv merr vesh se i dëmtuari në këtë rast, zyrtar i Shërbimit Korrektues i Kosovës ka thënë se dyshimet i ka tek djali i tij, i cili  kishte dalur nga shtëpia pa ndonjë paralajmërim.

Po ashtu i njëjti ia kishte vjedhur babait të tij edhe veturën.

Rastin për Klankosova.tv e ka konfirmuar edhe policia përmes zëdhënësit rajonal Driton Rugova.

Rasti po cilësohet si “Vjedhje e rëndë”.