OBSh-ja kërkon të dhëna për grupet e pneumonisë tek fëmijët në Kinë

Organizata Botërore e Shëndetësisë (OBSH) i ka kërkuar Kinës për më shumë informacion mbi “grupet e pneumonisë së padiagnostikuar” që raportohet se po përhapet tek fëmijët në veri të vendit.

Raportet nga mediat joshtetërore thonë se spitalet pediatrike në pjesë të Kinës janë të mbingarkuar me fëmijë të sëmurë.

Autoritetet kineze i kanë atribuar një rritje të sëmundjeve të ngjashme me gripin këtë dimër me heqjen e masave për Covid.

OBSH po u bën thirrje njerëzve në Kinë që të marrin masa për të reduktuar transmetimin.

Në një deklaratë, agjencia shëndetësore e OKB-së tha se donte më shumë informacion mbi raportet në media dhe nga ProMed – një sistem global i mbikëqyrjes së shpërthimit – të “grupeve të pneumonisë së padiagnostikuar tek fëmijët në Kinën veriore”.

Pneumonia është një term i përgjithshëm mjekësor që përdoret për të përshkruar një infeksion dhe inflamacion të mushkërive. Mund të shkaktohet nga shumë viruse, baktere ose kërpudha të ndryshme.

Pas publikimit të deklaratës së OBSH-së, agjencia shtetërore e lajmeve Xinhua botoi një artikull të enjten, i cili citonte zyrtarë të Komisionit Kombëtar të Shëndetit të Kinës (NHC) të thoshin se ata po i kushtonin vëmendje diagnostikimit dhe kujdesit të fëmijëve me sëmundje të frymëmarrjes, shkruan BBC, transmeton Klankosova.tv

​