Një mjet i dyshuar shpërthyes gjendet në lumin Erenik, deminohet nga FSK-ja

Një mjet i dyshuar shpërthyes është gjetur të shtunën pasdite në lumin Erenik, në fshatin Rripaj të Gjakovës.

Sipas raportit të Policisë së Kosovës, rasti është raportuar rreth orës 16:43 nga një dëshmitar, i cili kishte vërejtur mjetin në lumë.

Pas marrjes së njoftimit, njësitë policore kanë dalë në vendin e ngjarjes dhe kanë siguruar perimetrin deri në ardhjen e njësisë për deminim të Forcës së Sigurisë së Kosovës (FSK).

Njësia e FSK-së e ka tërhequr mjetin e dyshuar shpërthyes pa ndonjë incident, ndërsa rasti është trajtuar nga autoritetet kompetente.