Negociatat me Hamasin, Ziv: Shpresojmë në marrëveshje për pengjet dhe përfundimin e luftës (VIDEO)

Ambasadorja e Izraelit në Kosovë, Tamar Ziv sot përmes një lidhje direkte në emisionin “Ora 7” në Klan Kosova ka folur në lidhje me përpjekjet e presidentit amerikan, Donald Trump në lidhje me negociatat me Hamasin.

Ajo u shpreh falënderuese ndaj Trumpit, derisa u shpreh se shpresojnë për një marrëveshje për lirimin e pengjeve dhe për përfundimin e luftës.

“Jemi shumë falënderues ndaj presidentit Trump për rolin e tij për avancimin e negociatave me Hamasin dhe sinqerisht shpresojmë që kjo do të materializohet në një marrëveshje për lirimin e pengjeve dhe për përfundimin e luftës në Gaza”, u shpreh tutje Ziv./Klankosova.tv