Mori një shumë të parave nga Mbappe, pushohet nga puna oficeri francez

Një oficer i zbatimit të ligjit humbi punën për shkak të një dhurate nga Mbappé.

Sipas Mundo Deportivo, një oficer policie – emri i të cilit mbetet i pazbuluar – u shkarkua pasi u zbulua se kishte marrë një dhuratë prej 60,000 eurosh nga sulmuesi i Real Madridit dhe Francës, Kylian Mbappé.

Raportet tregojnë se incidenti në fakt ndodhi në vitin 2023, kur oficeri, i cili punonte me Federatën Franceze të Futbollit, mori një dhuratë monetare prej 60,000 eurosh nga kapiteni i Francës, Kylian Mbappe, i cili ndau një pjesë të bonusit të tij për Kupën e Botës 2022, transmeton Klankosova.tv 

Edhe pse pagesa ishte teknikisht e ligjshme, menaxhmenti i departamentit të policisë vendosi ta dërgonte oficerin në pension të parakohshëm sepse ai nuk raportoi marrjen e një shume kaq të konsiderueshme si dhuratë nga Mbappe.

Rasti ka shkaktuar gjithashtu një hetim penal kundër oficerit, i cili tani do të duhet të provojë në gjykatë se nuk ishte i përfshirë në ryshfet ose pastrim parash. /Klankosova.tv